Azərbaycan, Bakı, 15 oktyabr / Trend , müxbir Ü.İsmayılova/
Azərbaycanda qızıl istehsal edən şirkətlər ilin sonunadək Hasilat Sənayesinin Şəffaflığı Təşəbbüsü üzrə Komissiyaya (EITI) qoşulacaqlar, cümə axşamı Azərbaycan Dövlət Neft Fondunun rəhbəri Şahmar Mövsümov mətbuat konfransında deyib.
"Azərbaycandakı qızıl hasilatı haqqında məlumatlar EITI-nin 12-ci hesabatında öz əksini tapacaq", - Mövsümov deyib.
Onun sözlərinə görə, bu istiqamətdə işlərə artıq başlanılıbvəDövlət Neft Fondu ilin sonunadək qızıl hasil edən şirkətlərin EITI-yə qoşulmasına üçün çalışacaq.
EITI-yə yeni şirkətlərin qoşulması barədə qərar komissiyanın sentyabrda keçirilən ötən iclasında qəbul edilib.
Azərbaycanın qızıl yataqlarından qızıl hasilatı ilə bir şirkət - RV Investment Services Grouр LLC-nin təsis etdiyi Azerbaijan International Mining Company (AIMC) məşğul olur. Şirkət yaydan başlayaraq Gədəbəy mis qızıl yatağından hasil edilən affinaj qızılı İsveçrəyə ixrac edir.
Şirkət altı sahədə istismar işləri aparır. Onlardan biri Naxçıvan Muxtar Respublikasında, digərləri Tovuz və Gədəbəy rayonlarında, üçü - işğal edilmiş ərazilərdə (Kəlbəcərdə "Zod" yatağı, Ağdamda "Qızılbulaq" yatağı, Zəngilanda "Vecnəli" yatağı) yerləşir. Müqaviləyə uyğun olaraq, yataqlardan 400 ton qızıl, 2500 ton gümüş və 1,5 milyon ton mis hasil etmək planlaşdırılır.
Ümumiyyətlə, 2015-ci ilədək Gədəbəy yatağından 300 min unsiya qızıl hasilatı planlaşdırılır.
İlk "qızıl müqavilə" hələ 1997-ci ildə Azərbaycanla (səlahiyyəti Ekologiya və Təbii Sərvətlər Nazirliyinə verilən "Azərqızıl" dövlət konserni ilə) imzalanıb. Yalnız 2009-cu ildə ölkə ilk dəfə qızıl külçələri alıb. Azərbaycan Beynəlxalq Mədən Əməliyyat Şirkəti (ABMƏŞ) 30 il müddətinə imzalanmış razılaşmada iştirak edir.
Məqalə müəllifi ilə əlaqə ünvanı: [email protected]
