Azərbaycan, Bakı, 16 oktyabr / Trend , müxbir Ü.İsmayılova/
Bakıda Qara Dəniz İqtisadi Əməkdaşlıq Təşkilatının (QİƏT) Biznes Şurasının İdarə Heyətinin iclası keçiriləcək, cümə günü Azərbaycan Sahibkarlar Milli Konfederasiyasından (ASMK) bildiriblər.
İclas oktyabrın 19-da keçiriləcək, konfederasiyadan məlumat verilib.
İclasa ASK-nın rəhbəri Məmməd Musayev sədrlik edəcək. QİƏT-in tərkibinə Qara dəniz regionuna daxil olan 12 ölkənin biznes-strukturu daxildir.
İclasda QİƏT Biznes Şurasının rolu, onun biznes fəaliyyətinin genişləndirilməsi haqqında fikir mübadiləsi aparılacaq. İclasda həmçinin, Qara dəniz regionu sahibkarları arasında açıq dialoqun keçirilməsi məsələsi müzakirə olunacaq.
