Azərbaycan, Bakı, 17 oktyabr / Trend , müxbir Ü.İsmayılova/
Yanvar-sentyabr aylarında Azərbaycana MDB ölkələrindən 1,36 milyard dollar həcmində əmtəə idxal olunub ki, bu da ölkənin ümumi idxalının 31,31 faizini təşkil edir, bu barədə şənbə günü Dövlət Gömrük Komitəsindən bildirilib.
MDB ölkələrindən Azərbaycana gətirilib: taxıl bitkiləri (ümumi idxalın 11,43 faizi), quru nəqliyyat vasitələri (8,51 faiz), elektrik maşınları, avadanlıqları və onların ehtiyat hissələri (9,86 faiz) və s.
Azərbaycandan MDB ölkələrinə ixracın dəyəri 1,17 milyard dollar (ümumi ixracın 11,74 faizi) təşkil edib.
MDB ölkələrinə əsasən mineral yanacaq, neft məhsulları, bitum mineralları (ümumi ixracın 53,06 faizi), tərəvəz (4,01 faiz), heyvan və bitki yağları (7,21 faiz), şəkər tozu və qənnadı məmulatları (4,16 fazi) və s. ixrac olunub.
MDB ölkələri ilə idxal-ixrac əməliyyatları üzrə 194,95 milyon dollar həcmində mənfi qalıq əmələ gəlib.
Məqalə müəllifi ilə əlaqə ünvanı: [email protected]
