Özbəkistan, Daşkənd, 30 oktyabr / Trend , müxbir D.Əzizov/
Özbəkistan Ali Məclisinin qanunverici palatası cümə axşamı iclasda, iş yerlərinin yaradılması və əhalinin məşğulluğunun təmin edilməsi proqramını təsdiqləyib, parlamentin mətbuat xidməti bildirib.
Proqram layihəsində 2010-cu ildə 950 min, o cümlədən qulluq və xidmət sahəsində - 282 min, evdə işin bütün formalarının genişləndirilməsi hesabına - 208 min, istehsalat və sosial infrastrukturun inkişafı, yaşayış məntəqələrinin abadlaşdırılması üzrə işlər sahəsində - 61,3 min yeni iş yer açmaq nəzərdə tutulub.
Proqram Respublika Nazirlər Kabineti tərəfindən hazırlanıb. Proqramın məqasədi məşğulluğun təmin edilməsi, gəlirlər və əhalinin həyat səviyyəsinin yüksəldilməsi, ölkə ərazisində mövcud olan potensialın səmərəli istfadəsi və iqtisadiyyat sahəsi üçün əmək bazarında işçi qüvvəsinə tələbatın artırılmasıdır.
Proqram əmək bazarının hazırkı vəziyyətinin, həmçinin iqtisadiyyat sahəsi və ölkə ərazisinin inkişafı üçün 2010-cu ildə nəzərdə tutulan müəssisələrin təhlili və qiymətləndirilməsinə əsaslanıb.
Proqram layihəsinin müzakirəsi zamanı deputatlar qlobal maliyyə-iqtisadi böhranı, bazar islahatlarının dərinləşməsi şəraitində sənədin böyük ictimai əhəmiyyətini qeyd ediblər.Bu zaman qeyd olunub ki, proqramın praktiki olaraq həyata keçiilməsi təkcə icraçı və səlahiyyətli nümayəndə orqanlarının deyil, həmçinin biznes-struktur təşkilatlarının birgə saylarini tələb edir, mətbuat xidmətdən bildirilib.
Rəsmi məlumata görə, bu ilin yanvar-sentyabrında Özbəkistanda, 2008-ci ilin anoloji dövrü ilə müqayisədə 36,4 faiz çox, yəni- 743,5 min iş yeri açılıb, onlardan 311,1 mini kiçik biznes və özəl sahibkarlıq sahəsində açılıb. O cümlədən, xidmət və servis sahəsində 203 min, əmək müqaviləsi əsasında evdə edilən işlər sahəsində 77,9 min iş yeri açılıb.
