Azərbaycan, Bakı, 12 noyabr / Trend , müxbir N.İsmayılova/
Azərbaycanda oktyabr ayında vergi orqanlarında Azneman-BXZ Ticarət Evi MMC qeydiyyatdan keçib. Bu barədə Azərbaycanın Vergilər Nazirliyinin rəsmi sayıtının "vahid pəncərə" bölməsində deyilir.
Onun təsisçiləri Azneman MMC, Neman Belarus şüşə zavodu və Belarusun Borisovsk büllur zavodudur. Təşkilat 2009-cu il sentyabrın 26-da kommersiya fəaliyyəti üzrə qeydiyyatdan keçib. Bu barədə şirkətin nümayəndəsi Cabbarov Ceyhun bildirib. Şirkət 1000 manat nizamnamə kapitalı ilə qeydiyyatdan keçib.
"Neman şüşə zavodu" ASC-nin Azərbaycan dileri "Azneman" MMC-dir. Şüşə zavodu Azərbaycana öz məhsullarının bütün spektrini tədarük edir. 2008-ci ildə ölkədə 1,5 milyon avro həcmində büllür satılıb.