Azərbaycan, Bakı, 29 yanvar / Trend , müxbir N.İsmayılova/
2010-cu il yanvarın 1-nə olan məlumata görə, Azərbaycan banklarının ümumi aktivləri 11,67 milyard manat təşkil edib ki, bu da 2009-cu ilin əvvəlinə olan göstəricidən 13,5%, 2008-ci il dekabrın əvvəlinə olan göstəricidən isə 4,5% çoxdur. Azərbaycan Mərkəzi Bankından verilən məlumatda deyilir.
İnvestisiya yatırımları 2009-cu il ərzində 5,1% artaraq 836,07 milyon manat, müştərilərə verilən kreditlər isə 16,8%-lik artımla 7963,61 milyon manat təşkil edib.
Ölkənin maliyyə sektoruna ayrılan kredit və depozitlərin həcmi 44,5% artaraq 599,49 milyon manat təşkil edib. Hesabat dövrü ərzində müxbir hesablarındakı vəsaitlər 12% azalaraq 844,6 milyon manat təşkil edib. 2010-cu il yanvarın 1-nə olan məlumatya görə, Azərbaycan banklarının nağd pul vəsaiti 1,2%-lik artımla 466,22 milyon manat təşkil edib.
Azərbaycan banklarının məcmu öhdəlikləri 2009-cu ildə 12,7% artaraq 2010-cu il yanvarın 1-nə 9,66 milyard manat təşkil edib. Bundan 4293,4 milyon manat depozitlərin, 4477,88 milyon manat isə maliyyə bazarından alınan kredit və depozitlərin payına düşür.
Azərbaycan banklarının məcmu passivləri 13,5% artaraq 2010-cu il yanvarın 1-nə 11,67 milyard manat olub.
Yanvarın 29-na olan rəsmi məzənnə 0,8035 AZN/USD təşkil edir.
