Azərbaycan, Bakı, 15 fevral / Trend , müxbir Ü.İsmayılova/
Azərbaycanın yeganə təkrar sığorta şirkəti AzRe Təkrarsığorta ASC-nin səhmdarları nizamnamə kapitalını ikiqat artırmaq qərarına gəliblər. Bu barədə bazar ertəsi şirkətdən deyilib.
"Səhmdarların qərarına əsasən, şirkətin nizamnamə kapitalı ölkənin Maliyyə Nazirliyinin 2010-cu il yanvarın 1-nə olan tələbi ilə müvafiq olaraq 2 milyon manatdan 4 milyon manata çatdırılacaq", - şirkətdən deyilib.
Azərbaycanın birinci təkrar sığorta şirkəti "AzRe Reinsurance" 2007-ci il noyabrın 7-də təkrar sığorta fəaliyyəti həyata keçirmək üçün Azərbaycanın Maliyyə Nazirliyindən lisenziya alıb. Şirkətin səhmdarları altı fiziki şəxsdir. Şirkət yerli və regional sığorta, təkrar sığorta şirkətləri və təkrar sığota vasitəçiləri ilə əmlak, tikinti-quraşdırma riskləri, su, hava və avtomobil nəqliyyat vasitələri, yüklər, bədbəxt hadisələr, məsuliyyət və maliyyə risklərinin sığortası üzrə xidmət göstərir. Maliyyə Nazirliyinin məlumatına görə, yanvar-noyabrda "AzRe" şirkətinin sığorta haqları 7,68 milyon manat ödəmələrlə 21,83 milyon manat təşkil edib.
