...

İl ərzində Prosessinq Mərkəzinin buraxdığı plastik kartlarla əməliyyatların sayı 60% artıb

Biznes və iqtisadiyyat xəbərləri Materials 26 Fevral 2010 11:19 (UTC +04:00)
Azərbaycanın Milli Kart MMC Prosessinq Mərkəzinin buraxdığı plastik kartlarla əməliyyatların sayı artaraq fevralın əvvəli üçün 1,44 milyon təşkil edib. Bu barədə cümə axşamı Prosessinq Mərkəzindən məlumat verilib.

Azərbaycan, Bakı, 25 fevral / Trend , müxbir H.İsmayılova/

Azərbaycanın Milli Kart MMC Prosessinq Mərkəzinin buraxdığı plastik kartlarla əməliyyatların sayı artaraq fevralın əvvəli üçün 1,44 milyon təşkil edib. Bu barədə cümə axşamı Prosessinq Mərkəzindən məlumat verilib.

2009-cu il fevralın biri ilə müqayisədə (bu tarixə kimi 900,581 min əməliyyat həyata keçirilib) əməliyyatların sayı 59,6 faiz artıb. Bu günədək mərkəz tərəfindən 69 026 VİSA ödəniş sistemi kartı (2009-cu il fevralın əvvəlində 60 289 təşkil edib), 44 181 MasterCard sistemi kartı (10 452 ədəd), 20 043 lokal kart (561 ədəd) buraxılıb.

İl ərzində POS-terminalların sayı 2144-dən 2515-ə, bankomatların sayı 195-dən 236-ya çatıb.

Hazırda Prosessinq Mərkəzində 12 bank xidmət göstərir.

MMC 2006-cı il iyulun 14-də ölkənin 18 bankı tərəfindən Azərbaycan Mərkəzi Bankının kart ödənişləri üzrə Prosessinq Mərkəsinin alınmasından sonra yaradılıb. Hazırda mərkəzin kapitalında bankların iştirakının minimum həcmi bir faiz, maksimum 10 faiz təşkil edir.

Mərkəzin təsisçiləri bunlardır: Atabank, Demirbank, AzerTurkbank, Bank of Baku, Azerbaijan Senayye Bankasi, Debutbank, Amrahbank, Xalq Bank, Credo Bank, Access Bank, ParaBank, RabitaBank, Bank Respublika, Bank Standard, Texnika Bank, Turan Bank, UniBank və Zamin Bank.

Xəbər lenti

Xəbər lenti