Azərbaycan, Bakı, 12 mart / Trend /
Azərbaycan bankı AGBank
AGBank "Fəxri gənc" mükafatına "Gənclərə ən çox dəstək göstərən biznes təşkilatı" nominasiyasında layiq görülüb.
Mükafat Gənclər Təşkilatları Milli Şurası (GTMŞ) tərəfindən Gənclər və İdman Nazirliyi ilə birgə təsis edilib. Mərasim zamanı qaliblərə 12 nominasiya üzrə mükafatlar verilib. "Fəxri gənc" mükafatı döş nişanı və diplom formasında təqdim olunur.
GTMŞ sədri, deputat Fuad Muradovun sözlərinə görə, "Fəxri gənc" mükafatının təqdimatı artıq ənənəyə çevrilib. Gənclər və idman naziri Azad Rəhimov öz çıxışında tədbir iştirakçılarına nazirlik tərəfindən həyata keçirilən gənclər proqramları haqqında məlumat verib, qalibləri təbrik edib.