Azərbaycan, Bakı, 6 aprel /Trend/
Ağsu aşırımı vasitəsilə avtomobil nəqliyyatı vasitələrinin hərəkəti tamamilə bərpa olunub. Bu barədə Azərbaycan Nəqliyyat Nazirliyinin "Azəryolservis" ASC-nin mətbuat xidmətinin rəhbəri Pünhan Mürsəliyev çərşənbə axşamı bildirib.
Onun sözlərinə əsasən, bazar ertəsi Bakı - Şamaxı - Yevlax yolunun 147-ci kilometrliyində sürüşmə nəticəsində avtomobil nəqliyyatının hərəkəti dayandırılıb. Lakin bir saat ərzində yol təmizlənib və hərəkət bərpa olunub.
Hazırda nəqliyyatın hərəkəti normal rejimdə həyata keçirilir.