Azərbaycan, Bakı, 13 may /Trend, müxbir T.Konyayeva /
ABŞ-ın Azərbaycandakı müvəqqəti işlər vəkili Donald Lu Əfqanıstana dəstək sahəsində Azərbaycanla Birləşmiş Ştatların əməkdaşlığını yüksək qiymətləndirir.
"Biz inanırıq ki, Azərbaycanda satış üçün keyfiyyətli məhsullar var və əfqan xalqına yardım göstərmək üçün regionda milyonlarla dollar həcmində məhsul alacağıq", - Donald Lu Bakıda təchizat üzrə Azərbaycan - Amerika seminarının açılışında bildirib.
Onun sözlərinə görə, ABŞ əmindir ki, Azərbaycanda qısa müddətə və nisbətən aşağı qiymətə tikinti materialları, ərzaq məhsulları və avadanlıqlar almaq mümkündür.
Azərbaycanın Xarici İşlər Nazirliyi və ABŞ Ticarət Palatasının təşkil etdiyi birgünlük seminarda Birləşmiş Ştatlar administrasiyasının, müdafiə sahəsində ABŞ-ın maddi-texniki təchizat Agentliynin, eləcə də TMC və TWI şirkətlərinin nümayəndələri iştirak ediblər.
