Azərbaycan, Bakı, 31 may /Trend, müxbir Ü.İsmayılova/
Azərbaycanın Əmək və Əhalinin Sosial Müdafiəsi Nazirliyi iqtisadi inkişaf və təhsil nazirlikləri ilə birgə peşə hazırlıqları standartları işləyib-hazırlayır, - bu barədə bazar ertəsi əmək və əhalinin sosial müdafiəsi naziri Füzuli Ələkbərov deyib.
"Bunlarla yanaşı, Təhsil Nazirliyi ilə birlikdə təhsil standartları da işlənilib-hazırlanacaq.
Onun sözlərinə görə, standartların tətbiq edilməsində əsas məqsəd daxili əmək bazarında peşəkarlıq keyfiyyətini yüksəltməkdir.
Peşə standartlarının tətbiq edilməsində vacib element investisiya mühitinin yaxşılaşdırılması olacaq; "belə ki, bu gün ölkədə bir çox xarici şirkətlər iş üçün əcnəbi mütəxəssisləri cəlb edirlər", - nazir deyib.
"Peşə standartlarının tətbiqi Azərbaycanın həm iqtisadi, həm də sosial mühitinə öz müsbət təsirini göstərəcək", - nazir bildirib.
