Azərbaycan, Bakı, 1 iyun /Trend, müxbir Ü.İsmayılova/
Aprel ayında Bakının təkrar mənzil bazarında qiymət 1,3% azalaraq, bir kvadratmetri 1 146 dollara kimi çatıb. Bu göstərici martda 1 161 dollar təşkil edib. Bu barədə çərşənbə axşamı "İştirakçıların Əmlak Bazarı" İctimai Birliyindən məlumat veriblər.
Apreldə Bakının təkrar mənzil bazarında paytaxtın heç bir rayonunda qiymət artımı qeydə alınmayıb. Bakının Nizami rayonunda əhəmiyyətli dərəcədə qiymət azalması - 1,3% müşahidə olunub.
Bazarda təkilf olunan mənzillərin payı orta qiymətlərdən aşağı olmaqla, ümumi həcmin 59,1 faizini təşkil edib.Təkrar mənzil bazarında yenitikililərin qiyməti mart ayı ilə müqayisədə 61,2 faiz təşkil edib.
Aprel ayında birotaqlı mənzilin orta qiyməti 45 456, mənzillərin orta qiyməti isə 118 876 dollar təşkil edib.
Bakının təkrar mənzil bazarında təkliflər 0,9 faiz enib. Bazarda mart ayının 6 700 mənzil göstəricisi ilə müqayisədə 6 600 mənzil təklif olunub. Bazar portfelinin böyük hissəsini Bakının Yasamal, Nəsimi, Nərimanov və Xətai rayonlarında təklif olunmuş mənzillər təşkil edib (80,3 faiz).
Binəqədi rayonunun bazar portfelində payı 7,9 faiz, Nizami - 5,2, Xəzər (keçmiş Əzizbəyov rayonu) - 0,6, Səbail - 4,2, Suraxanı - 0,8, Qaradağ - 0,3 faiz təşkil edib.
Apreldə bazarda birotaqlı mənzillərin payı 14,6, ikiotaqlı - 37,3, üçotaqlı - 39,3, dördotaqlı- 8 faiz, beşotaqlı - 0,8 faiz təşkil edib.
"Təkrar mənzil bazarında qiymətlər aprel ayı ərzində 0,5 faiz aşağı düşüb", - ictimai birlikdən verilən məlumatda deyilir.
