...

İlin əvvəlindən azərbaycanlı sahibkarlara 42,5 milyon manatlıq güzəştli kreditlər verilib

Biznes və iqtisadiyyat xəbərləri Materials 17 İyun 2010 15:55 (UTC +04:00)

Azərbaycan, Bakı, 17 iyun /Trend, müxbir N.İsmayılova/

Azərbaycan İqtisadi İnkişaf Nazirliyi yanında Sahibkarlığa Kömək Milli Fondu (SKMF) ilin əvvəlindən sahibkarlara 42,5 milyon manat həcmində güzəştli kreditlər verib. Bu barədə fondun icraçı direktoru Şirzad Abdullayev bildirib.

"İlin əvvəlindən ölkə regionlarında fəaliyyət göstərən 500-ə yaxın sahibkara 42,5 milyon manat həcmində güzəştli kreditlər verilib", - Abdullayev deyib.

Onun sözlərinə görə, fondun vəsaitlərinin əsas hissəsi tərəvəz, meyvə və digər ərzaq mallarının saxlanması və satışı üçün soyuducu anbar komplekslərinin, dənli bitlilərin saxlanması və təmizlənməsi üçün anbar komplekslərinin tikintisinə, ət və süd məhsullarının emalı, turizmin inkişafı, müasir inşaat materiallarının istehsalı üzrə layihələrin maliyyələşdirilməsinə yönəldilib.

SKMF bu ilin birinci rübündə sahibkarlıq fəaliyyətinin müxtəlif sahələri üzrə 197 layihəni maliyyələşdirməklə sahibkarlara 19,052 milyon manat məbləğində güzəştli kreditlər verib.

Xəbər lenti

Xəbər lenti