Azərbaycan, Bakı, 17 iyun /Trend, müxbir N.İsmayılova/
Avropa İnkişaf və Yenidənqurma Bankının (AYİB) energetika sektoru üzrə baş bankiri Loran Şabre Azərbaycanın energetika sektoru ilə əlaqələrin genişləndirilməsi məqsədilə Bakıya səfərə gəlib. Bu barədə cümə axşamı bankın Bakı nümayəndəliyindən bildiriblər.
Şabrenin səfəri iyunun 16-dan 17-dək iki gün davam edib. Səfər çərçivəsində "Azəriqaz", "Bakıelektrikşəbəkə", ARDNŞ, "Azərenerji", Dünya Bankının Bakıdakı nümayəndəliyi, Maliyyə və İqtisadi İnkişaf nazirliklərində enerji sektorunda əməkdaşlıq perspektivlərini müzakirə etmək məqsədilə görüşlər keçirilib.
2009-cu ildə Dünya Bankı Azərbaycanın iqtisadiyyatına 230 milyon avro sərmayə qoyub ki, bunun da 120 milyon avrosu Qaradağ sement zavodunun genişləndirilməsi layihəsinin maliyyələşdirilməsinə yönəlib.
Bank ölkədə ümumi dəyəri 1,4 milyon dollar olan 103 layihəni maliyyələşdirib. AYİB-lə əməkdaşlıq edən ölkənin maliyyə institutları bankdan 69 kredit və ümumi dəyəri 223 milyon dollar olan kapital qoyuluşu alıblar.