Azərbaycan, Bakı, 13 iyul /Trend, müxbir Ü.İsmayılova/
Yanvar-iyun aylarında Azərbaycanda 2309 hüquqi şəxs qeydiyyata alınıb, onlardan 93-ü dövlət, üçü bələdiyyələr, 1933-ü isə özəl mülkiyyətə aid olub. Bu barədə Dövlət Statistika Komitəsinin məlumatında deyilir.
Ümumi qeydiyyata alınmışlardan 236-sı tam xarici investisiyalı, 44-ü isə birgə müəssisələrə aid olub.
İlin birinci yarısında yaradılan yeni müəssisələrin 61,7 faizi Bakıda, 10,6 faizi Aran, 5,6 faizi Abşeron, 5,5 faizi Şəki-Zaqatala iqtisadi rayonlarında, qalanları isə digər bölgələrdə qeydiyyatdan keçib.
Azərbaycan Respublikası Vergilər Nazirliyinin məlumatına əsasən, cari ilin yanvar-iyun aylarında 18 438 fiziki şəxs qeydiyyatdan keçib. Hüquqi şəxs yaratmadan sahibkarlıq fəaliyyəti ilə məşğul olan fiziki şəxslər daha çox Bakıda, Aran, Gəncə-Qazax, Lənkəran, Abşeron və Şəki-Zaqatala iqtisadi rayonlarında qeydiyyata alınıb.