Azərbaycan, Bakı, 13 sentyabr /Trend, müxbir N.İsmayılova/
Avropa İttifaqı və Azərbaycanın Əmək və Əhalinin Sosial Müdafiəsi Nazirliyi ölkədə sosial yardım və müdafiə sistemlərində islahatların aparılması üzrə səylərin dəstəklənməsi layihəsinin həyata keçirilməsinə başlayırlar. Bu barədə bazar ertəsi Aİ-nin Azərbaycan nümayəndəliyinin yaydığı məlumatda deyilir.
700 min avro dəyəri olan layihə Fransanın Beynəlxaql Münasibətlərin İnkişafı və Əlaqələndirilməsi Agentliyi (ADECRI) tərəfindən həyata keçiriləcək.
Aİ-nin texniki yardımı 18 ay üçün nəzərdə tutulub və məlumatların təhlili, proqnozlaşdırma, nəzarət, qiymət, sosail büdcələşdirmə və strateji planlaşdırma sahələrində Əmək və Əhalinin Sosial Müdafiəsi Nazirliyinə, eləcə də digər müvafiq dövlət strukturlarına yardım göstərilməsini nəzərdə tutur. Tvininq-layihə sosial müdafiə sahəsində Avropa və Azərbaycan administrasiyaları arasında əməkdaşlığın səviyyəsinin yüksəldilməsinə kömək edəcək.
Aİ-nin tvininq-proqramı qurumun qanunvericiliyinin aproksimasiyası və reallaşdırılması üçün Aİ ilə qonşu dövlətlərə onların inzibati və hüquqi potensialının möhkəmləndirilməsi üçün kömək göstərilməsinə yönəldilən məqsədli əməkdaşlıq üçün alətdir. Təcrübədə bu alət güclü və Aİ-yə 27 üzv dövlətlə benefisiar dövlətlər arasındakı münasibətlərə xidmət edir ki, onlar da oxşar tapşırıqları yerinə yetirən vəzifəli şəxslərin təhsil və birbaşa təcrübə mübadiləsini stimullaşdırır.
