...

Azərbaycanın prosessinq mərkəzinin Direktorlar Şurası strukturun 2011-ci ildə fəaliyyətini müzakirə edir

Biznes və iqtisadiyyat xəbərləri Materials 22 Dekabr 2010 19:14 (UTC +04:00)

Azərbaycan, Bakı, 22 dekabr /Trend, müxbir N.İsmayılova/

İlk dəfə yeni səhmdarın - Avropa Yenidənqurma və İnkişaf Bankının (AYİB) iştirakı ilə keçirilən Azərbaycan prosessinq mərkəzi "Milli Kart" MMC-nin Direktorlar Şurasının illik yığıncağı çərçivəsində görüşlər cari ilin sonuna başa çatacaq. Bu barədə çərşənbə günü "Milli Kart"ın icraçı direktoru Cəlal Orucov deyib.

"Artıq iki görüş keçirilib, bu görüşlər zamanı korporativ idarəetmə sistemi kimi mərkəzin fəaliyyəti, mərkəzin gələn il üçün biznes planları kimi məsələlər müzakirə edilib", - Orucov qeyd edib.

Onun sözlərinə görə, tezliklə üçüncü görüşün keçirilməsi gözlənilir. Görüş zamanı mərkəzin fəaliyyəti ilə bağlı bir sıra əsas məsələlərin müzakirəsi aparılacaq ki, onlarla bağlı qərar qəbul etmək lazımdır.

İclas çərçivəsində Direktorlar Şurası sədri vəzifəsinə rotasiyanın keçirilməsi də gözlənilirdi. Orucovun sözlərinə görə, rotasiya hələ ki keçirilməyib və bu günə "Milli Kart"ın Direktorlar Şurasının sədri "Unibank"dır. İstisna edilmir ki, AYİB belə hüququ əldə edəcək [Direktorlar Şurasına başçılıq edəcək].

Bu günədək "Milli Kart"a 12 Azərbaycan bankı qoşulub və mərkəz tərəfindən 170 mindən çox plastik kart buraxılıb.

Avropa Yenidənqurma və İnkişaf Bankı mərkəzin kapitalında iştirak payı almaqla yanaşı, prosessinq mərkəzinə 250 min dollar məbləğində texniki yardım da göstərib.

MMC 2006-cı il iyulun 14-də ölkənin 18 bankı tərəfindən Azərbaycan Mərkəzi Bankının kart ödənişləri üzrə prosessinq mərkəzinin alınmasından sonra yaradılıb. Hazırda mərkəzin kapitalında bankların iştirakının minimum həcmi bir faiz, maksimum 10 faiz təşkil edir. Mərkəzin nizamnamə kapitalı 5 milyon manatdır.

Mərkəzin təsisçiləri bunlardır: Atabank, DəmirBank, AzərTürkBank, Bank of Baku, Azərbaycan Sənaye Bankı, Debütbank, Amrahbank, Xalq Bank, Kredo Bank, AccessBank, Parabank, Rabitəbank, Bank Respublika, Bank Standard, Texnikabank, TuranBank, Unibank, Zamin Bank və AYİB.

Xəbər lenti

Xəbər lenti