Azərbaycan, Bakı, 12 yanvar /Trend, müxbir Ü.İsmayılova/
Azərbaycanda sığorta sahəsində ən başlıca problem əhalinin sığorta xidmətləri haqqında az məlumatlı olmasıdır. Bu barədə "Atəsgah" SŞ idarə heyəti sədrinin müşaviri Azər Cəfərovun (Azərbaycan Nazirlər Kabineti yanında DSN-in keçmiş rəhbəri) rəsmi məltbuata müsahibəsində bildirib.
"Son illər ərzində Azərbaycanda sığorta mədəniyyəti ləng də olsa, inkişaf edir. Lakin buna baxmayaraq, bazarın inkişafı üçün hələ bir çox işlər görmək lazımdır", - Cəfərov bildirib.
Onun sözlərinə görə, əhalinin məlumatlılığının artırılması, eləcə də sığortanın təbliğ olunması üzrə fəaliyyətin gücləndirilməsi problemin həlli ola bilər.
"Hesab edirəm ki, bu işə gənclər digərlərindən daha çox cəlb edilməlidir, çünki məhz onlar XXI əsrdə yaşayıb işləyəcək və sığortaya ehtiyac duyacaqlar", - Cəfərov bildirib.
Cəfərovun sözlərinə görə, məlumatlandırma prosesinə orta məktəblərdə heç olmazsa, həftədə bir dəfə "sığorta" fənni üzrə dərs keçməklə başlamaq lazımdır ki, gənclər ilk növbədə bu mövzu üzrə ümumi təsəvvürə malik olsunlar. Sonralar bu fənni ali məktəblərdə də tədris etmək olar. Sığortanın inkişafına KİV də mühüm təkan verə bilər.
Problemin digər həlli üsulu bu sahədə şəffaflığın təmin edilməsi ola bilər. Cəfərov bildirb ki, əhali sığorta haqlarının ödənilməsində problemlə üzləşməməlidirlər.
Azərbaycanda 27 sığorta və bir təkrar sığorta şirkəti fəaliyyət göstərir. страховых и одна перестраховочная компания. 2010-cu ilin yanvar-noyabr aylarında ölkədə fəaliyyət göstərən bütün sığorta şirkətlərinin mükafatlarının ümumi həcmi 139,82 milyon manat təşkil edib. Hesabat dövründə 45,48 milyon manat həcmində ödəmə həyata keçirilib.
Yanvarın 12-nə rəsmi məzənnə 0,7976 AZN/USD təşkil edir.
