...

Azərbaycanın həyat sığortası şirkəti kapitalını 40 faizdən çox artırır

Biznes və iqtisadiyyat xəbərləri Materials 14 Yanvar 2011 16:53 (UTC +04:00)

Azərbaycan, Bakı, 14 yanvar /Trend, müxbir Ü.İsmayılova/

Azərbaycanda həyat sığortası üzrə ilk ixtisaslaşmış şirkət - "Atəşgah Həyat" kapitalını bir milyon manat artırıb. Bu barədə cümə günü şirkətin mütəxəssisi Bəhram Nadirov deyib.

"Bunun nəticəsində şirkətin nizamnamə kapitalı hazırkı 2,3 milyon manatdan 3,3 milyon manata qədər artırılacaq", - Nadirov bildirib.

Azərbaycan Qiymətli Kağızlar üzrə Dövlət Komitəsi hər birinin nominal dəyəri 3300 manat olmaqla 1000 sənədsiz adlı səhmdən ibarət "Atəşgah Həyat"ın səhmlərinin emissiya prospektini qeydiyyata alıb. Emissiya səhmlərin 2300 manatdan 3300 manata qədər artırılması ilə bağlı qeydiyyata alınıb.

"Atəşgah Sığorta" şirkəti 1996-cı ildə yaradılıb. Şirkətin səhmdarları I.S.R. Holding Ltd (49 faiz səhm), ARDNŞ (30 faiz) və RAN-Eksim şirkətidir (21 faiz). İlin birinci yarısının yekununa görə, şirkətin sığorta pulu 2,19 milyon manatlıq ödəmələrlə 6,86 milyon manat təşkil edib.

"Atəşgah Sığorta"nın sığorta haqları 2010-cu ildə 0,02 milyon manat ödənişlə 1,04 milyon manat təşkil edib.

Yanvarın 24-nə olan rəsmi məzənnə 0,7974 AZN/USD təşkil edir.

Xəbər lenti

Xəbər lenti