Azərbaycan, Bakı, 19 yanvar /Trend, müxbir N.İsmayılova/
2010-cu ildə Azərbaycanda sənaye istehsalı (məhsul istehsalı və sənaye xarakterli xidmətlərin göstərilməsi) 27,4 milyard manat təşkil edib ki, bu da 2009-cu ilin göstəricisindən 2,6 faiz çoxdur. Bu barədə çərşənbə günü Dövlət Statistika Komitəsindən bildiriblər.
İl ərzində özəl sektorun payı 1,7 faiz artaraq sənaye istehsalının ümumi həcminin 81,4 faizini təşkil edib.
Hesabat dövrü ərzində emal sənayesinin istehsal həcmi 1,1 faiz artaraq 20,78 milyard manat olub ki, bu da ümumilikdə sənaye istehsalının xüsusi çəkisinin 75,8 faizini təşkil edib. Emal sənayesinin ümumi çəkisi 19,1 faiz, elektrik enerjisi, qaz sektorunun payı 4,5 faiz, su sektoru, çirkab suların və tullantıların təmizlənməsi isə 0,6 faiz olub.
Hesabat dövründə Azərbaycan Beynəlxalq Əməliyyat Şirkərinin (ABƏŞ) hasil etdiyi neftin həcmi 0,9 faiz artaraq 50,8 milyon ton, təbii qaz hasilatı isə 2,1 faiz artımla 16,7 milyard kubmetr təşkil edib.
Emal sənayaesində istehsalın həcmi 9 faiz artaraq 5,3 milyard manat təşkil edib. Həmçinin, qida məhsullarının istehsalında da böyük artım müşahidə olunub. Ölkədə marqarin istehsalı 30,2 faiz artaraq 20,2 min ton, ət 4 faiz (246,6 min ton), süd 2,9 faiz (365,3 min ton), kərə yağı 0,9 faiz (20,9 min ton), pendir və kəsmik 2 faiz (43,3 min ton), bitki yağları 16 faiz (43,2 min ton) təşkil edib.
Yanvarın 19-na olan rəsmi məzənnə 0,7974 AZN/USD təşkil edir.