Azərbaycan, Bakı, 19 yanvar /Trend, müxbir Ü.İsmaylova/
Azərbaycanda yem və yem əlavələrinin istehsalı üzrə yeni zavod tikmək lazımdır. Bu barədə yerli "Spase" telekanalına müsahibəsində Azərbaycanın kənd təsərrüfatı naziri İsmət Abasov deyib.
"Belə zavodun tikilməsi ölkədə kənd təsərrüfatının istiqamətlərindən biri olan quşçuluğun inkişafı üçün əhəmiyyətlidir. Belə ki, yem əsasən idxal edilir", - Abasov bildirib.
Bundan əvvəl Azərbaycan Quşçuluq Cəmiyyətinin rəhbəri Aydın Vəliyevin dediyi kimi, cəmiyyət quşçuluq fəaliyyəti üçün yemlərin və başqa məhsulların ƏDV-dən azad olunması üçün ölkə hökumətinə müraciət edib. Belə ki, quşlar üçün yemin 90 faizi idxal edilir ki, bu da fabriklər üçün böyük xərclər yaradır. Onun sözlərinə görə, quşçuluq fabriklərinin çoxu quşların saxlanmasına böyük xərc çəkdiklərindən bir sıra problemlərlə rastlaşır.
Nazirin sözlərinə görə, Azərbaycanda toxumçuluğun inkişafı üçün iri fermer təsərrüfatları yaradılmalıdır.
Abasovun sözlərinə görə, Azərbaycanda toxumçuluğun inkişafına xüsusi diqqət yetirmək lazımdır, belə ki, nazirlik qarşısında daxili istehsal hesabına taxıl ehtiyacının tam təmini vəzifəsi qoyulub.
"Biz nə olur olsun, daxili istehsal hesabına ölkənin taxıl ehtiyaclarının tam təmininə nail olmaq niyyətindəyik", - nazir əalvə edib.
Azərbaycan Dövlət Statistika Komitəsinin məlumatına görə, 2010-cu ildə ölkədə iki milyon ton taxıl və paxlalı bitkilər istehsal edilib. Bu göstərici 2009-cu ildə 2,988 milyon təşkil edib. Bunun 1,309 milyon tonu buğdanın payına düşür ki, bu da 2009-cu ildəkindən 38,9 faiz azdır. Azərbaycan əhalisinin ərzaq taxılına illik ehtiyacı üç milyon ton təşkil edir.
