Azərbaycan, Bakı, 24 yanvar /Trend, müxbir Ü.İsmayılova/
2010-cu ildə əkinçilik və heyvandarlıq məhsullarının istehsal qiymətləri 2009-cu ilə nisbətən 4,2 faiz, 2010-cu ilin dekabrında isə noyabra nisbətən 1,7 faiz artıb. Bu barədə bazar ertəsi Azərbaycan Dövlət Statistika Komitəsindən məlumat verilib.
Bir və ikiillik kənd təsərrüfatı məhsulları arasında buğdanın qiyməti 4,1 faiz, qarğıdalı 0,8 faiz, paxla 21,4 faiz, kartof 9,2 faiz, şəkər çuğunduru 3,3 faiz, xam pambıq 12,1 faiz, yem bitkiləri isə 4,7 faiz bahalaşıb.
Ötən il ərzində arpa 4,4 faiz, quru paxla 12,9 faiz, qarpız, balqabaq və digər məhsullar 7,3 faiz ucuzlaşıb.
2010-cu ildə çoxillik bitkilər arasında sitrus meyvələri 9,6 faiz, qoz 11,5 faiz bahalaşıb, tropik və subtropik meyvələr 0,8 faiz, giləmeyvə və s. 3,7 faiz ucuzlaşıb.
Bütün il ərzində bahalaşan heyvandarlıq məhsulları arasında dana əti 0,3 faiz, donuz əti 7,7 faiz, quş əti 2,1 faiz bahalaşıb, qoyun əti bir faiz, toyuq yumurtası isə 15,8 faiz ucuzlaşıb.
2010-cu ildə balıq və balıq məhsullarının istehsal qiyməti noyabrda 8,3 faiz, meşə təsərrüfatı mallarının qiymətləri isə 9,1 faiz artıb.