Azərbaycan, Bakı, 26 ferval /Trend, müxbir N.İsmayılova/
Beynəlxalq Maliyyə Korporasiyası (BMK) Azərbaycan bankı "Unibank"a mikro, kiçik və orta sahibkarlığın (MKOS) maliyyələşdirilməsi üçün 10 milyon dollar məbləğində kredit ayırmağı planlaşdırır. Bu barədə şənbə günü BMK-nın məlumatında deyilir.
"Unibank" Azərbaycan ərazisində fəaliyyət göstərən 25 filiala malikdir. BMK krediti ölkənin şəhər və kənd yerlərindəki MKOS üçün bankın portfelinin dəstəklənməsi məqsədilə ayrılacaq.
Bu layihə MKOS maliyyələşdirilməsinin səmərəliliyini artıracaq, korporativ idarəetmə standartlarının tətbiqini və depozitlərin cəlb edilməsini yaxşılaşdıracaq.
Kreditin 2011-ci il martın 31-də BMK Direktorlar Şurasında təsdiqlənəcəyi gözlənilir.
"Unibank" 2002-ci il oktyabrın 15-də iki özəl kommersiya bankı - "Mbank" və "Promtekhbank"ın birləşməsi nəticəsində yaranıb. "Unibank" universal maliyyə-kredit müəssisəsidir, pərakəndə və korporativ xidmətlər təklif edir. Avropa Yenidənqurma və İnkişaf Bankı (15,1515 faiz) və DEG alman investisiya korporasiyası (8,3333 faiz) kimi maliyyə institutları bankın səhmdarlarıdır.