Azərbaycan, Bakı, 1 mart /Trend, müxbir Ü.İsmayılova/
Azərbaycanın "PAŞA Həyat Sigorta" life-şirkəti istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 413 min manat mükafat toplayıb. Bu barədə çərşənbə axşamı şirkətin idarə heyətinin sədri Mürsəl Rüstəmov məlumat verib.
"Mükafat həcmi şirkətin fəaliyyət göstərdiyi iki həftə ərzində yığılıb", - Rüstəmov deyib.
Onun sözlərinə görə, şirkətin tanınmış müştəriləri arasında neft və qaz, inşaat və digər sahələrdəki müəssisələr var. Onların arasında Xəzər qazma şirkəti, "McDonalds" şirkəti, PAŞA Holding, PAŞA İnsaat, ANT İnsaat, "Bakielektriksəbəkə" SC və digərləri var.
Şirkətin idarə heyəti sədrinin sözlərinə görə, "PAŞA Həyat Sigorta" ilin sonunadək ölkədəki həyat sığortası bazarının üçdə birini əhatə etməyi proqnozlaşdırır.
"PAŞA Həyat Sigorta" şirkətinin əsas vəzifəsi əhalinin sığorta haqqında məlumatlılığının artırılmasıdır", - Rüstəmov bildirib.
2011-ci il fevralın 14-dən fəaliyyət göstərən "PAŞA Həyat" şirkətinin təsisçisi "PAŞA Holding"dir. Şirkətin nizamnamə kapitalı 7 milyon manat tə.şkil edir. "PAŞA Holding"in tərkibinə "PAŞA Sigorta" da daxildir. O, 2011-ci il martın 15-dən həyat sığortası üzrə icazəyə malikdir və bu gün təxminən 300 min manat həcmində formalaşan həmin portfel "PAŞA Həyat" life-şirkətinə veriləcək.
Martın 1-də rəsmi məzənnə 0,7939 AZN/USD təşkil edir.