...

Bakıda tikilən yeni sement zavodunun gücü gələcəkdə üçqat artırıla bilər

Biznes və iqtisadiyyat xəbərləri Materials 1 Mart 2011 15:17 (UTC +04:00)

Azərbaycan, Bakı, 1 mart /Trend, müxbir N.İsmayılova/

Bakının Qaradağ rayonunda tikilən yeni "Qızıldaş Sement" zavodunun gücü gələcəkdə ildə iki milyon tondan altı milyon tonadək artırıla bilər. Bu barədə çərşənbə axşamı "Norm" şirkətinin baş direktoru İsmayıl Ərqovan zavodun tikintisi üzrə Çinin "China Triumph International Engineering Co ltd" (CTIE ) podratçı şirkəti ilə müqavilə imzalanması mərasimində bildirib.

"Zavodun gücünün artırılması mərhələli şəkildə, ölkə iqtisadiyyatının inkişafı ilə paralel həyata keçiriləcək", - Ərqovan deyib.

Onun sözlərinə görə, zavodda istehsal olunacaq sementin potensial ixrac bazarları kimi Gürcüstan, Rusiya, Türkmənistan və Qazaxıstan nəzərdə tutulur.

"Norm"un layihəsi üzrə zavod 2013-cü ilin sonunda istismara veriləcək. Qeyri-neft sektorunda ən irilərdən biri olan bu layihənin dəyəri vergi ödəmələri ilə birgə 400 milyon dollar həcmində qiymətləndirilir. Bu günədək Xəzər regionunda istehsal olunmayan API standartlarına cavab verən tamponaj sementinin istehsalı Azərbaycanı neft istehsalçıları üçün sement ixracatçısına çevirəcək.

Zavodun istehsal gücü ildə 5 min ton klinker və iki milyon ton sement olacaq.

Xəbər lenti

Xəbər lenti