Azərbaycan, Bakı, 31 mart /Trend, müxbir N.İsmayılova/
Yanvar-fevralda Azərbaycan Beynəlxalq Bankı (ABB) vasitəsilə bankın əməkdaşlıq etdiyi bütün pul köçürmələri sistemi üzrə pul köçürmələrinin həcmi 13,19 milyon manat təşkil edib. Bu barədə cümə axşamı Trend-ə bankın mətbuat xidmətindən bildiriblər. Ölkəyə 19 055 köçürmə üzrə 11,9 milyon manat daxil olub, ölkədən isə 1 469 köçürmə üzrə 1,29 milyon manat köçürülüb.
Hazırda ABB "Contact", "CoinStar", "Xpress Money", "ABB Express", "Blizko", "Western Union" təcili pulköçürmə sistemləri ilə əməkdaşlıq edir.
2010-cu ildə Azərbaycanda ABB vasitəsilə pul köçürmələrinin ümumi həcmi 96,56 milyon manat təşkil edib, ölkədən isə 8,31 milyon manat köçürülüb.
2010-cu ilin birinci rübündə Azərbaycana 17,78 milyon manat məbləğində 29 607 köçürmə, ölkədən 1,74 milyon manat məbləğində 1 166 köçürmə həyata keçirilib. İkinci rübdə 24,65 milyon manat məbləğində 42 893 köçürmə, ölkədən isə 2,07 milyon manat məbləğində 2011 köçürmə həyata keçirilib. Üçüncü rübdə 29,69 milyon manat məbləğində 47 803 köçürmə daxil olub, ölkədən 1,96 milyon manat məbləğində köçürmə həyata keçirilib. Dördüncü rübdə 24,44 milyon manat məbləğində 38 107 köçürmə daxil olub, ölkədən 2,54 milyon manat məbləğində 2 607 köçürmə həyata keçirilib.
2009-cu il ərzində Azərbaycana ABB vasitəsilə 81,237 milyon manat, ölkədən 6,09 milyon manat köçürülüb.
2009-cu ilin birinci rübündə Azərbaycana 14,92 milyon manat məbləğində 24 500, ölkədən isə 944,19 min manat məbləğində 713 köçürmə həyata keçirilib. İkinci rübdə 20,62 milyon manat məbləğində 34 448, ölkədən 1,51 milyon manat məbləğində 983 köçürmə edilib. Üçüncü rübdə Azərbaycana 23,66 milyon manat məbləğində 39 353 köçürmə daxil olub, ölkədən 1,86 milyon manat məbləğində 705 köçürmə həyata keçirilib. Dördüncü rübdə ölkəyə 22,037 milyon manat məbləğində 34 886, ölkədən 1,78 milyon manat məbləğində 972 köçürmə həyaat keçirilib.
Martın 31-nə olan rəsmi məzənnə 0,7927 AZN/USD təşkil edir.
