İranda cari ilin əvvəlindən (İranda il martın 21-də dəyişir) indiyədək 1,3 milyard dollar dəyərində 833 milyon səhm ölkənin Özəlləşdirmə Təşkilatı tərəfindən satılıb. Bu barədə Trend İranın İRNA dövlət agetnliyinə istinadən məlumat verir.
Məlumata əsasən, cari ildə Özəlləşdirmə Təşkilatı tərəfindən səhmləri satılan şirkətlər əsasən böyük şirkətlərdir. Onlar arasında Təbriz neft emalı zavodu, "Şimal Qazma" şirkəti, Ticarət Bankı, İsfahanın "Şəhid Müntəziri" elektrik stansiyası, beynəlxalq neft-kimya ticarəti şirkətidir.
