Azərbaycan, Bakı, 9 iyun /Trend, müxbir İ.Xəlilova/
Apreldə Azərbaycan bankları iqtisadiyyatın kreditləşdirməsini 3,3 faiz, ötən ilin analoji dövrünə nisbətən 0,4 faiz artırıblar. Bu barədə Azərbaycan Mərkəzi Bankının (AMB) statistik hesabatında deyilir. Ay ərzində bankların ümumi portfelində vaxtı ötmüş kreditlərin payı 2,5 faiz, illik hesablamada isə 51,5 faiz artıb. İşləməyən kreditlərin artımı məhz ötən ilin aprelində bərpa olunub.
Mayın 1-nə olan vəziyyətə görə banklar tərəfindən 8639,6 milyon manat (o cümlədən milli valyutada 5248,7 milyon manat və SDV-də 3390,9 milyon manat) kredit verilib. Bu göstərici aprelin 1-də 8366 milyon manat (müvafiq olaraq 5017,9 milyon manat və 3348,1 milyon manat), 2010-cu il mayın 1-də isə 8605,5 milyon manat (5126,1 milyon manat və 3479,4 milyon manat) təşkil edib.
İstiqraz və borcların ümumi portfelindən 553,2 milyon manatın (kreditlərin ümumi həcminin 6,4 faizi) vaxtı ötüb. Bu rəqəm aprelin 1-də 539,9 milyon manat (6,45 faiz) və 2010-cu il mayın birində 365,2 milyon manat (4, 24 faiz) olub. Vaxtı ötmüş kreditlərin statistikası "Aqrarkredit" Bank Olmayan Kredit Təşkilatının analoji borclarını nəzərə almır.
Mayın əvvəlinə olan məlumata görə, qısamüddətli kreditlər 2822,7 milyon manat (283,6 milyon manatlıq vaxtı ötmüş borclar daxil olmaqla) təşkil edib. Aprelin 1-də bu rəqəm 2637,1milyon manat (279,3 milyon manatlıq vaxtı ötmüş borclar daxil olmaqla) və ötən il mayın 1-nə 2314,1 milyon manat (174,7 milyon manat) təşkil edib. Aprel ərzində iqtisadiyyatda qısamüddətli kreditlər 7 faiz, 2010-cu ilin aprel ayına nisbətən 21,98 faiz artıb. Aprelin sonlarına olan məlumata görə, qısamüddətli kreditlərin 39,9 faizi və müddəti keçmiş kreditlərin 35,5 faizi SDV-nin payına düşüb.
Uzunmüddətli kreditləşdirmə 5816,9 milyon manat (müddəti keçmiş 269,5 milyon manatlıq borclar daxil olmaqla) təşkil edib. Aprelin 1-də bu rəqəm 5728,9 milyon manat (müddəti keçmiş 260,6 milyon manatlıq borclar daxil olmaqla), ötən il mayın 1-nə isə 6291,2 milyon manat (190,5 milyon manat) olub. Aprel ərzində uzunmüddətli kreditləşmənin həcmi 1,5 faiz artıb, 2010-cu ilin apreli ilə müqayisədə isə 7,5 faiz azalıb. Mayın 1-nə olan məlumata görə, uzunmüddətli kreditləşdirmənin 38,9 faizi və müsddəti ötmüş kreditlərin 28,05 faizi SDV-nin payına düşüb.
Mayın əvvəllərinə ölkənin yeganə dövlət bankı (Azərbaycan Beynəlxalq Bankı) tərəfindən 35,6 faizlik xüsusi çəki ilə (aprel ərzində artım 1,7 faiz) 3071,5 milyon manat, özəl banklar təərfindən isə 61,9 faizlik xüsusi çəki ilə (artım 4,1 faiz) 5349 milyon manat həcmində kredit verilib. Yerdə qalan 2,5 faiz BOKT-nin payına düşür ki, onlar tərəfindən 219,1 milyon manat həcmində kredit verilib.
Azərbaycanda 44 bank fəaliyyət göstərir, onlardan biri yarıdövlət bankıdır.