Azərbaycan, Bakı, 16 iyul /Trend, müxbir A.Axundov/
2011-ci ilin birinci yarısında Azərbaycanda kənd təsərrüfatı məhsullarının istehsalı tən ilin analoji dövrü ilə müqayisədə 6,2 faiz, o cümlədən bitkiçilik 8,3 faiz, heyvandarlıq 4,8 faiz artıb. Bu barədə Trend-ə Azərbaycan Dövlət Statistika Komitəsindən məlumat verilib.
İyunda ölkədə istehsal edilən kənd təsərrüfatı məhsullarının ümumi həcmi faktiki qiymətlərlə 940,9 milyon manat təşkil edib.
Məlumata əsasən, ölkədə yaz tarla işləri başa çatmaq üzrədir və iyunun 1-nə 376,3 min hektar sahədə yazlıq bitkilərin səpini aparılıb. Ötən illə müqayisədə əkin sahəsi 6,7 faiz və ya 23,8 min hektar artıb.
İyunda ölkədə yaz-tarla işləri başa çatıb və iyunun 22-nə olan vəziyyətə görə, respublikada 397,297 min hektar sahədə yaz bitkilərinin əkini aparılıb .
2011 -ci ildə Azərbaycanda əkin sahəsi 5,8 faiz və ya 21,643 min hekrat əkilib.
İyunun 22-nə olan vəziyyətə görə, 42 828 min hektar sahədə pambıq (il ərziondə artım 40,6 faiz ), 33 195 min hektar sahədə bostan bitkiləri, 4 608 hektar sahədə (51 faiz) birillik otlar, 1 435 hektar sahədə (6,2 faiz) tütün əkilib.
Hesabat dövründə şəkər çuğundurunun əkin sahəsinin 15 faiz (7315 hektar əkilib), kartof - 1,4 faiz (65 145 hektar), tərəvəz - 0,4 faiz (33 195 hektar), yeməli meyvəköklülərin isə 11,1 faiz (168 hektar) azaldığı müşahidə olunub.
Göstərilən müddətdə ümumilikdə 29,659 min hektar ərazidə dənli və paxlalı bitkilər (qarğıdalı istisna olmaqla) əkilib ki, 2010-cu ilin analoji dövründə bu rəqəm 31,242 min hektar təşkil edib. Azalma 5,1 faiz təşkil edib.
Vələmir 1 745 hektar (artım 5,8 faiz), qabıqdan təmizlənməmiş düyü - 1659 hektar, qarğıdalı - 34 262 hektar (artım 12,2 faiz), günəbaxan - 10 823 hektar (artım 21,5 dəfə) ərazidə əkilib.
İl ərzində ölkədə buğdanın əkin sahəsi 51,4 faiz azalıb.
