Azərbaycan, Bakı, 8 avqust /Trend, müxbir N.İsmayılova/
Azərbaycan Dövlət Gömrük Komitəsi (DGK) iyulda gömrük rüsümları və vergilərin yığılması sayəsində dövlət büdcəsinə 101,08 milyon manat köçürüb. Bu barədə bazar ertəsi DGK-nın saytında dərc edilən məlumatda deyilir.
İyunda dövlət büdcəsinə ödənişlər 100,56 milyon manat təşkil edib.
İyulda gömrük rüsumlarından daxilolmalar 22,085 milyon manat, idxal edilən malların əlavə dəyər vergisi 71,199 milyon manat, aksiz üzrə 6,808 milyon manat, yol vergisi üzrə 0,988 milyon manat təşkil edib.
2011-ci il üçün DGK xətti üzrə ödənişlər proqnozu 1,140 milyard manat məbləğində müəyyənləşdirilib. İlin birinci yarısında ödənişlər 542,377 milyon manat, yanvar-iyulda 643,457 milyon manat təşkil edib.
Ötən il DGK proqnozu 100,16 faiz yerinə yetirərək dövlət büdcəsinə planlaşdırılan 1,1 milyard manata nisbətdə 1 101,73 milyon manat köçürüb.
Avqstun 8-nə olan rəsmi məzənnə 0,7866 AZN/USD təşkil edir.