Gürcüstan, Tbilisi, 8 avqust /Trend, müxbir N.Kirsxaliya/
Gürcüstanda turistlərin sayı 45 faiz artıb. Milli Turizm Agentliyinin məlumatına görə, 2011-ci ilin yanvar-iyul aylarında Gürcüstana 1 444 299 turist səfər edib. Bu, ötən ilin analoji dövr göstəricisi ilə müqayisədə 45 faiz çoxdur.
İlin yeddi ayı ərzində Avropa ölkələrindən (MDB ölkələri istisna olmaqla) Gürcüstana 481 501 qonaq gəlib (qonaqların ümumi sayının 33,3 faizi). Bu, ötən ilin müvafiq dövr göstəricisi ilə müqayisədə 39 faiz çoxdur.
MDB ölkələrindən Gürcüstana 897 616 (62,1 faiz) turist səfər edib ki, bu da ötən ilin göstəricisindən 46 faiz çoxdur.
ABŞ-dan Gürcüstana 15 360 (ümumi sayın 1,1 faizi) müsafir gəlib. Bu, ötən ilin analoji dövr göstəricisindən 5 faiz çoxdur.
Asiya ölkələrindən 42 917 (3 faiz) - ötən ilin göstəricisindən 85 faiz çox, Afrika ölkələrindən 958 (0,1 faiz) - 82 faiz çox, dünyanın qalan ölkələrindən isə 5 947 turist (0,4 faiz) - 15 faiz çox səfər edib. Bu, ötən ilin göstəricisindən 245 faiz çoxdur.
MDB ölkələrindən Gürcüstana gələn turistlərin böyük hissəsi Azərbaycanın payına düşür. Belə ki, Azərbaycandan Gürcüstana 376 327 turist gəlib. Bu, ötən ilin analoji dövr göstəricisindən 46 faiz çoxdur.
