Azərbaycan, Bakı, 30 sentyabr /Trend, müxbir N.İsmayılova/
Gələn ildən Azərbaycanın Əmək və Əhalinin Sosial Müdafiəsi Nazirliyi vətəndaşların müraciətlərinin qəbulu üzrə elektron sistemə keçir. Trend-in məlumatına görə, bunu jurnalistlərə cümə günü nazir Füzuli Ələkbərov deyib.
"Bu gün vətəndaşların elektron müraciətlərinin qəbulu sistemi iki pilot rayonda işləyir, 2012-ci il yanvarın 1-dən isə sistemin tətbiqi bütün ölkə üzrə başlanacaq ki, bu da vətəndaşlar və məmurlar arasında birbaşa əlaqələri minimuma endirəcək", - nazir deyib.
Vətəndaş müraciətlərinin alternativ mexanizminin fəaliyyəti hazırda Balakən və Cəlilabad rayonlarında həyata keçirilir.