Azərbaycan, Bakı, 2 noyabr /Trend, müxbir N.İsmayılova/
Azərbaycan Dövlət Neft Fonduna (ARDNF) investisiya portfelini şaxələndirməsi vacibdir. Trend-in məlumatına görə, bu barədə Dünya Bankının (DB) Suveren investisiyalar üzrə əməkdaşlıq departamentinin direktoru Cenifer Conson Kalari çərşənbə günü Bakıda keçirilən "Azərbaycan Respublikasının Dövlət Neft Fondunun milli neft strategiyasında yeri və rolu" konfransında deyib.
"Qanunvericiliyə dəyişikliklərin edilməsindən sonra Fondun investisiya siyasəti daha liberal olub. ARDNF-ə daha riskli alərlərlə, yəni səhmlərlə yatırımlar etmək üçün sistem yaratması vacibdir", - o bildirib.
Kalari şaxələndirilmiş portfellə uğurlu fonda misal olaraq, yüksək riskli qiymətli kağızlarla yatırımların həyata keçirilməsi barədə qərarın qəbul edilməsindən sonra investisiya fəaliyyəti üzrə gəlirliliyinin artdığı Nobel Fondunu göstərib.
Təkcə dövlət qiymətli kağızları ilə aşağı risk payı olan yatırımlar inflyasiya prosesləri fonunda Fond üçün əlverişsizdir. Bu gün bu Fondun portfelinin 55 faizini şirkətlərin səhmləri, 25 faizini dövlət istiqrazları, 25 faizini isə, məsələn, daşınmaz əmlak kimi digər investisiyalar təşkil edir.
"Birinci mərhələdə Azərbaycanın Dövlət Neft Fondu üçün investisiya portfelinin beş faizinin şirkətlərin səhmlərində, beş faizinin isə daşınmaz əmlakda yerləşdirilməsini yolverilən hesab edirik", - xanım Kalari deyib.
Onun sözlərinə görə, vaxt keçdikcə bu şaxələnmə dərinləşəcək və Neft Fondu, eynilə artıq sabitləşmiş fondlarda olduğu kimi, portfelin düzülüşünə malik olacaq.
ARDNF-in İnvestisiya departamentinin direktor müavini Rövşən Cavadovun sözlərinə görə, Fond DB nümayəndəsinin təklifi ilə razıdır və portfelin düzülüşü hər halda ilk vaxtlar məhz beş faiz təşkil edəcək. Lakin bunu yalnız investisiya portfelinin hazırlanmasından sonra dəqiq müəyyən etmək mümkün olacaq.
"Fond aktivlərin həmin yeni siniflərinin imkanlarını qiymətləndirmək məqsədilə məsləhətçilər cəlb edib və sonrakı iki-üç il ərzində bizdə onunla bağlı bilik bazası formalaşacaq", - Cavadov deyib.
O, həmçinin bildirib ki, qısamüddətli investisiyalaşdırma Fondun tələblərinə cavab verməyəcək.
"Biz aktivlərin investisiyalaşdırılması məqsədilə başlanğıc üçün iki ölkənin - Rusiya və Türkiyənin aktivlərini seçmişik. Çünki ölkələrimiz arasında tarixən möhkəm dostluq əlaqələri var. Lakin gələcəkdə digər ölkələrin milli valyutalarına da yatırımlar həyata keçirilə bilər", - o deyib.
Dövlət Neft Fondu 1999-cu ildə yaradılıb və hazırda aktivləri 271 milyon dollar təşkil edir. 2011-ci il yanvarın 1-nə ARDNF-in aktivləri 22,8 milyard dollar təşkil edib. Fondun cari aktivləri isə artıq 32 milyard 242,5 milyon dollar səviyyəsindədir.
