Azərbaycan, Bakı, 22 fevral /Trend, müxbir A.Axundov/
Hazırda "İcbari sığorta növləri haqqında" yeni qanunun tələblərinə uyğun olaraq, ötən ilin dekabrında Azərbaycanda yaradılan İcbari Sığorta Bürosuna təxminən 4 milyon manat toplanıb. Bu barədə çərşənbə günü Trend-ə bürodan bildiriblər.
"Bu yığımlar büroda iştiraka görə ödənişlər, sığorta depozitləri və əlavə ödənişlər hesabına formalaşdırılıb", - bürodan deyiblər.
Bürodan qeyd ediblər ki, ilin sonuna qədər bu məbləğ beş milyon manatadək artacaq.