Azərbaycan, Bakı, 1 mart /Trend, müxbirlər A.Axundov, E.Mehdiyev/
Azərbaycan Xarici İşlər Nazirliyi (XİN) ölkənin Ümumdünya Ticarət Təşkilatına (ÜTT) üzvlüyü üzrə çoxtərəfli danışıqların IX raundu çərçivəsində son görüşlərin nəticələrini müsbət qiymətləndirir. Trend-in məlumatına görə, bu barədə cümə axşamı jurnalistlərə xarici işlər nazirinin müavini Mahmud Məmmədquliyev bildirib.
Ötən həftə Məmmədquliyevin başçılıq etdiyi nümayəndə heyəti Cenevrədə Azərbaycanın ÜTT-yə qəbul olunması üzrə işçi qrupunun növbəti iclasında, habelə mallar və xidmətlər üzrə ikitərəfli görüşlərdə iştirak edib.
"Görüşlər faydalı olub. Danışıqlarda ciddi irəliləyiş yoxdur, lakin müəyyən tərəqqi var", - Məmmədquliyev qeyd edib.
Onun sözlərinə görə, bu istiqamətdə işlər gələcəkdə də davam etdiriləcək.