Azərbaycan ilə Türkiyə arasında yeni müntəzəm reys açılır

Azərbaycan, Bakı, 27 aprel /Trend, müxbir E.İsmayılov/

2012-ci il mayın 10-dan "Azərbaycan Hava Yolları" QSC Bakı - İstanbul (Sabiha Gökçen) - Bakı istiqamətində müntəzəm reyslər həyata keçirəcək. Trend-in məlumatına görə, bu barədə cümə günü QSC-nin rəsmi saytında yerləşdirilmiş məlumatda deyilir.

Uçuşlar hər gün A319/320 hava gəmiləri ilə yerinə yetiriləcək. Reyslər marketinq tərəfdaşı "Pegasus" (Türkiyə) aviaşirkəti ilə birlikdə həyata keçiriləcək.

Saat yerli vaxtla göstərilib (* Növbəti gün).

Həmin reyslərdə baqajın və əl yükünün daşınma qaydaları aşağıdakı kimidir:

Biznes sinif üçün:
Qeydiyyatdan keçmiş baqaj - 40 kq*-dək pulsuz
Əl yükü - 2 yerdən və cəmi 10 kq-dan çox olmamaq şərti ilə.

Ekonom sinif üçün:
Qeydiyyatdan keçmiş baqaj - 20 kq-dək pulsuz
Əl yükü - 1 yerdən və 5 kq-dan çox olmamaq şərti ilə.

*Bir baqaj yerinin çəkisi 32 kq-dan artıq ola bilməz.

Normadan artıq baqajın daşınma dəyəri (baqaj bölməsində daşınır) - 1 kq = 3 avro.

Reysdə tranzit sərnişinlər olduğu halda baqaj yalnız aralıq məntəqəyədək (Bakı, Heydər Əliyev Beynəlxalq Aeroportu) rəsmiləşdirilir.

Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az

Trend-in ən mühüm və maraqlı xəbərlərini "Telegram"da izləyin