Аzərbaycan, Bakı, 5 may /Trend, müxbir A.Axundov/
Azərbaycan Mərkəzi Bankı (AMB) 2012-ci ilin yanvar-fevral aylarında dövriyyədə olan pul kütləsinin (dövriyyədəki nağd pulların (banklardan kənarda) və maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqlarının) (M2) 2011-ci ilin analoji dövrü ilə müqayisədə 35,2 faiz artdığını, 2012-ci ilin əvvəli ilə müqayisədə isə 2,75 faiz azaldığını bəyan edib. Trend-in məlumatına görə, bu barədə AMB-nin statistik hesabatında bildirilir.
Belə ki, 2012-ci il martın 1-nə olan vəziyyətə görə, M2 göstəricisi 10694,3 milyon manat təşkil edib. 2011-ci il martın əvvəlində bu rəqəm 7907,7 milyon manat, 2012-ci ilin əvvəlində isə 10997,2 milyon manat olub.
2012-ci il martın 1-nə olan vəziyyətə görə, nağd pul göstəricisi (M0) 6911,2 milyon manat təşkil edib. 2011-ci il martın əvvəlində bu rəqəm 5363,1 milyon manat, 2012-ci ilin əvvəlində isə 7158,2 milyon manat olub.
2012-ci il martın 1-nə olan vəziyyətə görə, genişlənmiş pul kütləsi (Broad Money Supply (M3) 13799,2 milyon manat təşkil edib. 2011-ci il martın əvvəlində bu rəqəm 10272,6 milyon manat, 2012-ci ilin əvvəlində isə 13903,2 milyon manat təşkil edib.
2012-ci il martın əvvəlinə olan vəziyyətə görə, sövdələşmələr üçün məbləğlər (transaction money (M1) 8362,7 milyon manat, noyabrın əvvəlində 7835,8 milyon manat, 2012-ci ilin əvvəlində isə 8824,8 milyon manat təşkil edib.