Azərbaycan, Bakı, 3 iyul /Trend, müxbir A.Axundov/
Azərbaycan Maliyyə Nazirliyinin Dövlət Sığorta Nəzarəti Xidməti "Alfa Sığorta" ASC-yə avtonəqliyyat vasitəsi sahiblərinin mülki məsuliyyətinin icbari sığortası növünün aparılmasına verilmiş icazəni ləğv edib.
Trend-in məlumatına görə, bu barədə çərşənbə axşamı Dövlət Xidmətinin yaydığı məlumatda deyilir.
"Sığorta fəaliyyəti haqqında" qanunun tələblərinə müvafiq olaraq, "Alfa Sığorta" ASC-yə avtonəqliyyat vasitəsi sahiblərinin mülki məsuliyyətinin icbari sığortası növünün aparılmasına verilmiş icazə, fəaliyyətində qeyd olunan icbari sığorta növü üzrə çoxsaylı pozuntulara yol verməsi ilə əlaqədar Dövlət Sığorta Nəzarəti Xidməti tərəfindən 2012-ci il 3 iyul tarixdə ləğv edilib", - məlumatda qeyd edilir.