Azərbaycan, Bakı, 4 iyul /Trend, müxbir A.Axundov/
Azərbaycan Maliyyə Nazirliyinin Dövlət Sığorta Nəzarəti Xidməti sığorta bazarının iştirakçılarının lisenziyalaşdırılması prosesini elektron formada həyata keçirəcək. Trend-in məlumatına görə, bu barədə çərşənbə günü jurnalistlərə Dövlət Xidmətinin rəhbəri Namiq Xəlilov bildirib.
"Hazırda bu istiqamətdə işlər aparılır", - Xəlilov deyib.
Onun sözlərinə görə, bundan başqa, polislərin elektron formada bağlanması üçün qanunvericilikdə dəyişikliklərin hazırlanması üzərində iş başa çatmaq üzrədir.
"Biz elektron xidmətlərə başlamaq üçün sığorta fəaliyyəti haqqında qanuna və Mülki Məcəlləyə dəyişikliklər hazırlayırıq. Çox güman ki, qanunvericilik aktlarına dəyişikliklərin müzakirəsi parlamentin payız sessiyasında baş tutacaq", - Xəlilov qeyd edib.