Azərbaycan, Bakı, 27 iyul /Trend, müxbir E.İsmayılov/
Azərbaycan hökuməti və Asiya İnkişaf Bankı (AİB) bu gün Bakıda Masallı-Astara avtomobil yolunun tikinti layihəsi üçün 200 milyon dollar məbləğində ikinci kredit üzrə saziş imzalayıblar. Bu barədə cümə günü Trend-ə bankın Bakı nümayəndəliyindən məlumat veriblər.
Sazişi Azərbaycanın nəqliyyat naziri Ziya Məmmədov və bankın Bakı nümayəndəliyinin rəhbəri Olli Noroyono imzalayıblar.
Sazişə əsasən, kredit altıaylıq llibor+0,4 faiz dərəcəsi üzrə 4 illik güzəşt olmaqla 24 il müddətinə verilib.
Kredit vəsaiti Masallı-Astara avtomobil yolunun B və C sahələrinin tikintisi məqsədilə xərclərin ödənilməsi üçün nəzərdə tutulub.