Azərbaycan, Bakı, 19 sentyabr/Trend, müxbir Ə. Həsənov/
Əmlak Məsələləri Dövlət Komitəsi (ƏMDK) ipoteka müqavilələrin elektron qeydiyyatını tətbiq etməyi planlaşdırır. Trend-in məlumatına görə, bu barədə çərşənbə günü jurnalistlərə ƏMDK-nin sədr müavini Rafiq Cəlilov bildirib.
Onun sözlərinə görə, həmçinin mülkiyyət hüququnun tanınması, hərraclar və digər vasitələrlə müsadirə edilmiş əmlakla bağlı elektron xidmətlərin tətbiqi planlaşdırılır.
"Hazırda Əmlak Məsələləri Dövlət Komitəsi obyektlərin yüklənməsi, əmlak obyektlərinin təkrar qeydiyyatı və digərlər haqqında elektron arayışları verir" , - Cəlilov qeyd edib.