Azərbaycan, Bakı, 5 noyabr /Trend, müxbir A.Axundov/
2012-ci ilin 9 ayı ərzində Azərbaycanda qeyri-nağd pul kütləsi 4.2% artıb ki, bu da nağdsız ödənişlərin stimullaşdırlması istiqamətində görülmüş tədbirlərin nəticəsidir. Trend-in məlumatına görə, bu barədə Azərbaycan Mərkəzi Bankının (AMB) 2012-ci ilin yanvar-sentyabr ayları üzrə pul siyasəti icmalında deyilir.
"Hesabat dövründə pul təklifinin artımı iqtisadiyyatın tələbinə uyğun olub, manatla geniş pul kütləsi 12.8% artıb", - icmalda qeyd olunur.
Bu dövr ərzində pul bazasının artımı 12.4%, ötən ilin müvafiq dövrü ilə müqayisədə isə 30% təşkil edib.
Pul bazasınının həcmi daha çox Mərkəzi Bankın ehtiyatlarından müdaxilə hesabına dəyişib.
2012-ci il oktybarın 1-nə geniş pul kütləsi (M3) ötən ilin müvafiq dövrünə nəzərən 21.3% artaraq 15343 mln. manata çatıb, manatla geniş pul kütləsi (M2) isə 28.8% artaraq 12402 mln. manata yüksəlib.