Azərbaycan, Bakı, 5 noyabr / müxbir Trend Q.Vəliyev /
Azərbaycan internetin inkişafına xüsusi diqqət ayırır, rabitə və informasiya texnologiyaları naziri Əli Abbasov bazar ertəsi Bakıda keçirilən İnternetdən istifadənin idarə olunması (Internet Governance Forum - IGF) üzrə yeddinci Beynəlxalq forum çərçivəsində görüş zamanı söyləyib.
"Bu gün Azərbaycanda internetin yayılması 65 faiz təşkil edir və 30 faizi genişzolaqlıdır", Abbasov deyib.
Abbasov qeyd edib ki, Azərbaycanda mobil rabitənin abunəçilərinin sayı artır - 100 sakinə 110 mobil telefon hesablanıb. Ölkənin bütün ərazisi mobil rabitəylə və internetlə əhatə olunub, nazir deyib.
Nazir Abbasov əlavə edib ki, Azərbaycanda Feysbuk istifadəçilərinin sayı 1 milyona çatıb və bu göstərici üzrə fəallığın səviyyəsinə görə Azərbaycan Asiyada və Avrasiyada aparıcı ölkələrdən biridir.
O vurğulayıb ki, internet Azərbaycan hökuməti tərəfindən nəzarət edilmir və tənzim olunmur.
İnternetə çıxış hər kəs üçün açıq olmalıdır, nazir söyləyib.
"Amma bizi o faktda narahat edir ki, dünya əhalisinin müəyyən hissəsi internetə daxil ola bilmir, xüsusilə kasıb ölkələrdə", Abbasov deyib. "Biz öz tərəfdaşlarımızla çalışırıq ki, bizim regionumuzda Avrasiyada rəqəmli qırılmalar azalsın".
Abbasovun sözlərinə görə, başqa bir məsələ informasiya təhlükəsizliyidir.
"Bu gün hakerlər internetə hücüm edirlər. Təəssüf ki, bu bəzi hallarda hökumətlərin dəstəyi ilə həyata keçirilir. Azərbaycanda həmçinin belə hücumların obyektidir. Kibercinayət sərhədlər tanımır. Kibercinayətlər beynəlxalq səviyyədədir və elan edilməyən informasiya müharibələrinə çevrilir, Abbasları dedi.
Nazirin sözlərinə görə, informasiya təhlükəsizliyinin təminatı üçün daxili cinayət məcəlləsinə və beynəlxalq kibertəhlükəsizliyinə ehtiyac duyulur.
Abbasovun sözlərinə görə, üçüncü məsələ isə internet azadlığıdır.
"Biz hesab edirik ki, insanlar internetdə öz fikirini azad ifadə etmək imkanına malik olmalıdır", Abbasov deyib.