Azərbaycan, Bakı, 8 noyabr /Trend, müxbir A.Axundov/
Azərbaycan Mərkəzi Bankı 100 faiz xarici kapitala malik "AccessBank"ın səhmdarlarının iştirak payının strukturundakı dəyişiklikləri təsdiqləyib. Trend-in məlumatına görə, bu barədə "Accessbank"ın İdarə Heyətinin yeni təyin olunmuş sədri Mixael Hoffmann cümə axşamı mətbuat konfransında bildirib.
"Dəyişikliklərdən sonra səhmdarların tərkibi əvvəlki kimi qalacaq, onların iştirak payları dəyişəcək. MB artıq bankın səhmdarlarının iştirak paylarının yeni strukturunu təsdiqləyib, indi biz İİN-in Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təsdiqini gözləyirik", - Hoffmann deyib.
Onun sözlərinə görə, yeni təsisedici struktur "AccessHolding"in səhmlərinin nəzarət paketinin ötürülməsini nəzərdə tutur.
Bu gün bankın səhmlərinin 20 faizi Avropa Yenidənqurma və İnkişaf Bankına (AYİB), Beynəlxalq Maliyyə Korporasiyasına (MFK), KfW İnkişaf Bankına, Qara dəniz Ticarət və İnkişaf Bankına (QTİB), 16,53 faizi "AccessHolding"ə və 3,47 faiz LFS Financial Systems-ə aiddir.
Dəyişikliklərdən sonra "AccessHolding" 50 faiz+1 səhm əldə edəcək. AYİB, MFK, KfW və QTİB əvvəlki kimi "AccessBank"ın (hər kəsdə 12,45 faiz, birgə 49,8 faiz) səhmlərinin əhəmiyyətli hissəsinə birbaşa malik olacaqlar.
"AccessHolding" inkişaf edən və keçid iqtisadiyyatına malik ölkələrdə aşağı və orta gəlirli ailələrə və xüsusən mikro və kiçik müəssisələrə maliyyə xidmətləri göstərən məsuliyyətli kommersiya banklarının artan qlobal şəbəkəsinin idarə edilməsi üçün mikromaliyyələşdirmə sənayesində strateji investor kimi yaradılıb.
"АccessBank"ın missiyası, aşağı və orta gəlirli Azərbaycan ailələrinə, eləcə də mikro və kiçik sahibkarlara maliyyə xidmətləri göstərməkdən ibarətdir. "АccessBank" Fitch beynəlxalq reytinq agentliyi tərəfindən Azərbaycan bankları arasında ən etibarlı bank adına layiq görülüb (sabit proqnozla "BB+" səviyyəsində), həmçinin Global Finance (2011) və Euromoney Nəşriyyat Qrupu (2012, 2011, 2010) tərəfindən "Azərbaycanın ən yaxşı bankı" və "The Banker" nəşri tərəfindən isə "İlin bankı" adına layiq görülüb.