Azərbaycan, Bakı, 12 noyabr /Trend, müxbir İ.Xəlilova/
Beynəlxalq Valyuta Fondunun (BVF) Yaxın Şərq və Mərkəzi Asiya Departamentinin rəhbəri Məsud Əhməd noyabrın 15-də birgünlük səfərlə Azərbaycana gələcək. Bu barədə bazar ertəsi Trend-ə hökumətdən bildiriblər.
"Bu, Əhmədin Azərbaycana ölkə hökumətinin dəvəti ilə baş tutacaq ilk səfəridir. Əhməd səfər zamanı yüksək səviyyədə görüşlər keçirəcək", - hökumətdəki mənbə deyib. .
Məsud Əhməd BVF-nin missiyasına qoşulacaq. Fondun Azərbaycan üzrə missiyasının yeni rəhbəri Raca Əlmarzoqidir. O, ölkədə ötən həftədən etibarən işləyir. Missiyanın məqsədi Azərbaycanda tərəqqi prosesləri və iqtisadi inkişafın perspektivlərinin qiymətləndirilməsinin yenilənməsidir. Bununla əlaqədar olaraq, Fondun missiyası Azərbaycanda hökumətlə makroiqtisadi vəziyyəti müzakirə edir.