...

Nağdsız ödənişlərin artımı gələcəkdə Azərbaycanın bank sektorunun aktivlərini ikiqat artırmağa imkan verəcək

Biznes və iqtisadiyyat xəbərləri Materials 12 Dekabr 2012 13:33 (UTC +04:00)

Azərbaycan, Bakı, 12 dekabr /Trend, müxbir A.Axundov/

Nağdsız ödənişlərin stimullaşdırılması üzrə tədbirlər gələcəkdə Azərbaycanın bank sektorunun aktivlərini ikiqat artırmağa imkan verəcək. Trend-in məlumatına görə, bu barədə çərşənbə günü jurnalistlərə AMB-nin İdarə Heyətinin sədri Elman Rüstəmov deyib.

"Ödəniş sistemləri və nağdsız ödənişlərin inkişafı üzrə yeni dövlət proqramı artıq müvafiq strukturlarla razılaşdırlıb və Prezident Administrasiyasındadır. Bu məsələ həmişə dövlət başçısının diqqət mərkəzindədir. Milli ödəniş sisteminin böyük infrastrukturu yaradılıb, biz onu daha da inkişaf etdirmək istəyirik. Biz bu məsələdə dəyişikliklərə nail olmalıyıq. Bu, həm də sosial və iqtisadi məsələdir. Hesablamalarımıza görə, buna nail olsaq, Azərbaycan banklarının aktiv və resurslarını ikiqat artıra biləcəyik. Bu, əhali və biznesin kreditləşdirilməsi üçün geniş imkanlar yaradır. Hazırda normativ-hüquqi baza yaradılır və hesab edirik ki, fəal idarəetmə yolu ilə buna mərhələli şəkildə nail ola biləcəyik" , - Rüstəmov vurğulayıb.

Məqalədə:
Xəbər lenti

Xəbər lenti