...

Azərbaycanın cari transfertlər üzrə əməliyyatlarının həcmi 1 milyard dollardan çox artıb

Biznes və iqtisadiyyat xəbərləri Materials 1 Aprel 2013 19:51 (UTC +04:00)

Azərbaycan, Bakı, 1 aprel /Trend, müxbir İ.Xəlilova/

2012-ci ilin yekunları üzrə Azərbaycanın cari transfertlər üzrə xarici ölkələrlə apardığı əməliyyatların ümumi dəyəri 4 milyard dollar təşkil edib. Bu məbləğin 49,4 faizini ölkəyə daxilolmalar təşkil edib. Trend-in məlumatına görə, bu barədə Azərbaycan Mərkəzi Bankının tədiyyə balansında deyilir.

2011-ci ilin yekunları üzrə isə bu göstərici 3 091,3 milyon dollar təşkil etmiş, bu məbləğin 60,9 faizi daxilolmaların payına düşmüşdü.

Cari transfertlər üzrə ümumi daxilolmaların 94,4 faizi xarici ölkələrdən fiziki şəxslərin pul baratları, 1,7 faizini ölkəyə gətirilən humanitar idxal mallarının dəyəri, 3,5 faizini isə digər daxilolmalar təşkil edib. Bütövlükdə, cari transfertlər üzrə əməliyyatların saldosu mənfi 50 milyon dollar olub.

Tədiyyə balansına əsasən, 2012-ci il ərzində daxilolmaların və ödənişlərin ümumi dövriyyəsi 6,5 milyard dollara çatıb. Bunun 83,2 faizini (5,4 milyard dollar) Azərbaycandan ödənişlər təşkil edib. Bu məbləğin isə əsas hissəsi (4,2 milyard dollar) beynəlxalq neft-qaz konsorsiumları üzrə xarici investorların payına düşən gəlirlərin repatriasiyası (əsasən xam neft şəklində), qeyri-rezidentlərə ödənilmiş əməkhaqları (180,4 milyon dollar) və xarici kreditlərdən istifadəyə görə ödənilən faizlər (331,7 milyon dollar) təşkil edib.

2011-ci ildə repatriasiya gəlirlərinin həcmi 4640,3 milyon dollar, qeyri-rezidentlərə ödənilmiş əməkhaqları 141,3 milyon dollar, xarici borclar üzrə faizlər isə 248,6 milyon dollar olmuşdu.

Məqalədə:
Xəbər lenti

Xəbər lenti