Azərbaycan, Bakı, 18 sentyabr /Trend, müxbir A.Axundov/
Qiymətlər Kağızlar üzrə Dövlət Komitəsi (QKDK) "A. Lizinq" ASC-nin 4 min manat həcmində adi, adlı, sənədsiz səhmlərinin emissiya prospektini qeydiyyata alıb.
QKDK-dən çərşənbə günü Trend-ə verilən məlumata görə, emissiya çərçivəsində hər birinin nominal dəyəri 2 manat olan 2 min səhm buraxılacaq.
Məlumata görə, bu, "A. Lizinq" şirkətinin səhmlərinin ilk buraxılışıdır. Müvafiq olaraq, şirkətin nizamnamə kapitalı 4 min manat həcmində formalaşıb.
2006-cı ildə Ədliyyə Nazirliyində qeydiyyatdan keçən şirkət "Evsen" şirkətlər qrupuna daxildir.