Azərbaycan, Bakı, 23 yanvar /Trend, müxbir E.İsmayılov/
2013-cü ildə Azərbaycanda 424 minik avtomobili istehsal olunub ki, bu da 2012-ci ilin göstəricisindən 21,8 faiz azdır. Bu barədə cümə axşamı Trend-ə Dövlət Statistika Komitəsindən bildirilib.
Məlumata görə, hesabat dövründə respublikada 246 yük maşını istehsal olunub ki, bu da 2012-ci illə müqayisədə 52,8 faiz çoxdur.
2013-cü ildə traktor istehsalında artım müşahidə olunub. Belə ki, hesabat dövründə ölkədə 739 traktor istehsal edilib. Bu, 2012-ci ilin göstəricisindən 19,6 faiz çoxdur.
